torsdag 15. november 2012

Annan stad



Ein glidelås i tida
kan lukka seg raskt
bak deg

og på den sida
du er komen

veit ingen

kor opningen er

søndag 11. november 2012

Tikk

Alle klokkene
i alle vestelommane
vil kome til å stanse

og alle vil prøve å riste dei  i gang
med dirrande hender

Om ein så hadde hundrevis av
vestelommer
og klokker i dei

alle

var det ikkje meir tid
å få kjøpt

onsdag 7. november 2012

Mardraumsorkester 2

Mørkret syng den eldgamle
novembersongen-
ru baryton
smuldrar bork
av daude tre

I årets blindsone
sit ein olding
med gapande munn

mot fallande lauv

torsdag 1. november 2012

Alt dette som fyller opp

Sjå opp for store tal og bokstavar,
ropar fjernsynet

dei feitatste typane

fyller oss
med  muntre muddermasker
og åndeleg fotmassasje

Om natta
gulpar folk i seg trykksverte
rett frå kartongen

i det harde, blå lyset
frå opne kjøleskåpdører