Da gåseplogene hadde revet opp himmelens buk
med vilkårlig vemodsdolk
rant seigt mørke ned
på stubbemarkene
lå døde slåttekarer
under våte eikeblader
-Orsak meg, men hjartet ditt er på utsida. Det bankar så alle kan sjå det. Tenkte berre eg skulle seie i frå. Dessutan ser det skikkeleg ekkelt ut.
fredag 27. september 2013
Skuldkjensla
Ansiktet
stramt som ei klostercelle.
Krusifiks over døra,
vekker deg
frå hårskjortesvevn
med ein rykande kopp
grålysning
torsdag 26. september 2013
Mørk haustsong
Du kan stå ute i haustkvelden når dei lysande vindaugsrutene
kastar flyndre gjennom bølgande berbuskar
-og tenkje, dette hausthagehavet med duppande epler og lukt av jord,
dette tørre lauvet som raslar og vispar rundt i stive straumkvervlar,
vil vaske meg gong på gong opp på ei uendeleg nattleg strand
til eg ein morgon står smaløygd til knes i nysnø
kastar flyndre gjennom bølgande berbuskar
-og tenkje, dette hausthagehavet med duppande epler og lukt av jord,
dette tørre lauvet som raslar og vispar rundt i stive straumkvervlar,
vil vaske meg gong på gong opp på ei uendeleg nattleg strand
til eg ein morgon står smaløygd til knes i nysnø
onsdag 18. september 2013
Lik det eller ikkje.
Om du er ein meitemark,
er kjærleiken ein fiskekrok
ein dag
trer han mothakane
gjennom
kroppen din.
Di vondare,
di meir
krøllar du deg
rundt han
slik er
kjærleiken
slik er han
slik
er kjærleiken ein fiskekrok
ein dag
trer han mothakane
gjennom
kroppen din.
Di vondare,
di meir
krøllar du deg
rundt han
slik er
kjærleiken
slik er han
slik
mandag 16. september 2013
Når du minst ventar det
Ingenting vondt kjem med austavinden, har vi lært.Frå den kanten kjem berre varme føhnvindar, som feiar lauvet opp med varme hender og legg det varleg til sides.
Med austavinden kan vi kjenne oss trygge, det blir ingen storm .Om ein klipper eit digert hol i september, vil austavinden få holet til å gro igjen. Det er ingen vist i å bli sint når det er austavind. Ausavinden berre køyrer på. Han er så hyggeleg at ingen protesterer om eit tre ryk overende.
Om du ikkje likar austavind, er det ditt problem.
Med austavinden kan vi kjenne oss trygge, det blir ingen storm .Om ein klipper eit digert hol i september, vil austavinden få holet til å gro igjen. Det er ingen vist i å bli sint når det er austavind. Ausavinden berre køyrer på. Han er så hyggeleg at ingen protesterer om eit tre ryk overende.
Om du ikkje likar austavind, er det ditt problem.
torsdag 12. september 2013
I byrjinga
veltar vi lubne rundt
i keivhendte famntak,
kvinkar som pingvinar
Så glade
at mammuthjarte inni
all verdas isblokker
kan byrja å slå
i takt
torsdag 5. september 2013
Eg reiser bort litt
Om eg let dette diktet stå ulåst ei stund,
kan Ernest Hemingway ake seg ned
på ei heil flaske whisky, ta seg inn og lage fest.
Frode Grytten kan ta med seg nokre oddingar,
ha nachspiel med gitar og
Arnulv Øverland skarrar furer i spisebordet
medan Gunnvor Hofmo dempar lysa,
sit ved vindauget og sukkar .
Sidan vil eg kome heim til eit dikt
med fulle askebeger
gjengløymde skor
i gangen
Eg skal slå vindauga
på vidt gap
vikla eigne ord ut
av silkepapir.
kan Ernest Hemingway ake seg ned
på ei heil flaske whisky, ta seg inn og lage fest.
Frode Grytten kan ta med seg nokre oddingar,
ha nachspiel med gitar og
Arnulv Øverland skarrar furer i spisebordet
medan Gunnvor Hofmo dempar lysa,
sit ved vindauget og sukkar .
Sidan vil eg kome heim til eit dikt
med fulle askebeger
gjengløymde skor
i gangen
Eg skal slå vindauga
på vidt gap
vikla eigne ord ut
av silkepapir.
onsdag 4. september 2013
Når alt endeleg skal ryddast opp
Skal vi brette kvarandre saman,
legge kvarandre i komodeskuffer
med lavendelposar.
Tett saman skal vi ligge der
ikkje lenger høyre stoveklokka
utrøytteleg kappe ljoset opp i små bitar,
strø det over kvitskura golv
legge kvarandre i komodeskuffer
med lavendelposar.
Tett saman skal vi ligge der
ikkje lenger høyre stoveklokka
utrøytteleg kappe ljoset opp i små bitar,
strø det over kvitskura golv
søndag 1. september 2013
Det du aldri ser
Inst i spegelen ligg eit barn,
kryp saman i eit hjørne
armane over hovudet.
Å spegla seg
er å
snu ryggen til.
kryp saman i eit hjørne
armane over hovudet.
Å spegla seg
er å
snu ryggen til.
Abonner på:
Innlegg (Atom)