Ein dag
vi vil kome til å sitje skjøre og opne
på cafear
og blåse ut små, grå skyer
av gamle dagar
-Orsak meg, men hjartet ditt er på utsida. Det bankar så alle kan sjå det. Tenkte berre eg skulle seie i frå. Dessutan ser det skikkeleg ekkelt ut.
torsdag 29. september 2011
mandag 26. september 2011
Kisteluft
Natta opnar kistelokket,
lukt av fleire år gammalt mørker breier seg
møllkulene trillar ut av gamle seilarstøvlar
Stivt samanbretta ligg
kamferstinkande epleslang
frå syttitalet
Framom månen
stryk
ein gulna dåpskjole
lukt av fleire år gammalt mørker breier seg
møllkulene trillar ut av gamle seilarstøvlar
Stivt samanbretta ligg
kamferstinkande epleslang
frå syttitalet
Framom månen
stryk
ein gulna dåpskjole
torsdag 22. september 2011
Eit raskt glimt
Gatelyset lagar eit neonauge,
det doggar på halogenbrillene
Mot asfalt klakkar mollstemte hælar
i haustkatedralen
postludiet er enno
eit par jamndøgn unna.
det doggar på halogenbrillene
Mot asfalt klakkar mollstemte hælar
i haustkatedralen
postludiet er enno
eit par jamndøgn unna.
onsdag 21. september 2011
Viktig spørsmål
Du lurar på kva som er inst i spegelen, seier du.Jau, eg skal fortelje deg kva som er inst i spegelen.Der ligg alle styggedagane, dårleghårdagane,dagane du hadde lyst til å drite i, og legge deg igjen. Alle dagane der du skulka skulen, krangla med mor di, eller fekk dårlege nyheiter: Kvisedagar, hemndagar slåtida iheldagar, blåmåndagar og feittysdagar, oskeonsdagar.Jævla valentindagar.Alle desse dagane som kom deisande.Ikkje kunne du, i din aller fulaste, villaste fantasi, forestille deg i at dei alle budde der. Inst i spegelen.
mandag 19. september 2011
invitasjon
Ein varm cellokasse
med raud plysj
lokka til seg
eit smekkert instrument,
det glødde i treverket
la lokket varsamt att
ikring svingande former
og let bogen stryke dirrande over
strenger
så dei skalv der inne
i mørkret
med raud plysj
lokka til seg
eit smekkert instrument,
det glødde i treverket
la lokket varsamt att
ikring svingande former
og let bogen stryke dirrande over
strenger
så dei skalv der inne
i mørkret
søndag 18. september 2011
Utsyn
Eg vil klatre opp på den høgste tuva
stå på tærne i lyngen
til eg får tak i ei grein, og kan
slite meg opp langs stammen
på den store eika-
eg står på den øvste greina
og skjelv
der grip eg føtene
til den fyrste ørna som flyg forbi,
så eg kan hekte fingertuppane i den
nedste enden av måneskalken
Og segle med
over himmelbogen
stå på tærne i lyngen
til eg får tak i ei grein, og kan
slite meg opp langs stammen
på den store eika-
eg står på den øvste greina
og skjelv
der grip eg føtene
til den fyrste ørna som flyg forbi,
så eg kan hekte fingertuppane i den
nedste enden av måneskalken
Og segle med
over himmelbogen
lørdag 17. september 2011
Kveldsregle
Kveldshimmel gløder nedanfrå
i himmelrand.
Åsryggane er jarngryta
det frøser kaldt i.
Natt samlar bitane
i hop
på botnen
er alle like
i himmelrand.
Åsryggane er jarngryta
det frøser kaldt i.
Natt samlar bitane
i hop
på botnen
er alle like
torsdag 15. september 2011
Hærverk
Djupt i mjuk hjartepose vart det skore
med stålkanta ordnøklar mellom fingrane;
ripa inn på mjukt underlag,
ei natt då ingen såg
berre blinde trafikklys
var ute
med stålkanta ordnøklar mellom fingrane;
ripa inn på mjukt underlag,
ei natt då ingen såg
berre blinde trafikklys
var ute
tirsdag 13. september 2011
Hylling
ein bauta
ville eg reise.
Ein stein som lyfte seg
som ei tenorrøyst
mot alle gråvershimlar
der djupe søkk i steinen
var kjære avtrykk
av
hundre år
med vakkert klivne
vedskier
ville eg reise.
Ein stein som lyfte seg
som ei tenorrøyst
mot alle gråvershimlar
der djupe søkk i steinen
var kjære avtrykk
av
hundre år
med vakkert klivne
vedskier
mandag 12. september 2011
fredag 9. september 2011
onsdag 7. september 2011
Hausten ringjer
I ring på tørt
fortau jagar vinden
visne blad.
Mennesket
piskar tørt
og uroleg
i ring
i rastlause
karmahjul
på tredemøller
Når det ringjer
set vi han
på lydlaus
fortau jagar vinden
visne blad.
Mennesket
piskar tørt
og uroleg
i ring
i rastlause
karmahjul
på tredemøller
Når det ringjer
set vi han
på lydlaus
tirsdag 6. september 2011
Urskog
Djupt nede i skogbotnen
mellom fibrane
i svampaktig mose
dampar det frå ei sovande urtid,
der
skodda stikk den lange halsen
i veret
ein halvt oppløyst
brontosaurus
snusar på
det som var der
og framleis
er
mellom fibrane
i svampaktig mose
dampar det frå ei sovande urtid,
der
skodda stikk den lange halsen
i veret
ein halvt oppløyst
brontosaurus
snusar på
det som var der
og framleis
er
Abonner på:
Innlegg (Atom)