-Orsak meg, men hjartet ditt er på utsida. Det bankar så alle kan sjå det. Tenkte berre eg skulle seie i frå. Dessutan ser det skikkeleg ekkelt ut.
mandag 28. oktober 2013
Gje meg dei gamle stemmane
dei som har hengt ute ein vinter
på ein spikar på naustveggen
Dei som blafra fillete frå tretoppar,
du fann dei då det lysna.
Syn meg kvistane i bjelken,
Ikkje splinten.
Vis meg djupe arr
som kryssa handflater
Ultralydbilete frå
gamle hjartesår
torsdag 24. oktober 2013
Før alt blei som no
Ein gong var verda
seglande fuglar i
drivande duskregn
mjuke andlet stod
bøygde over vogna
*
Sidan
vart horisonten
fylt med langsame,
grå munnar
som åt tid
tirsdag 22. oktober 2013
Frå sofadjupet
Eg ligg berre på sofaen og kjenner at eg kunne ha lyst til å bli forfattar
men eg måtte løfte meg frå sofaen då
og klive ut i verda gjennom ein PC skjerm,
kome over til publikum,
connect to the camera,
finne greia mi.
Men enno sit eg fast, for pc skjermen min
er for trong
over skuldrene
eg greier ikkje krype igjennom
men hovudet er ute-
klynkar forfattardraumen
inn
i tuse døve øyrer,
mot tusen ryggar
framom uendelige fjernsynsprogram
men eg måtte løfte meg frå sofaen då
og klive ut i verda gjennom ein PC skjerm,
kome over til publikum,
connect to the camera,
finne greia mi.
Men enno sit eg fast, for pc skjermen min
er for trong
over skuldrene
eg greier ikkje krype igjennom
men hovudet er ute-
klynkar forfattardraumen
inn
i tuse døve øyrer,
mot tusen ryggar
framom uendelige fjernsynsprogram
Haiku
Å kutte diktets armar av
blodet pumpar ut gjennom
stumpane
Å kappe av beina diktet kviler på,
staute metaforar,
mogna gjennnom hundreår,
årringar av fantasi
Å kneble diktet
med grått papir
piske det
med
stramme stavingar
blodet pumpar ut gjennom
stumpane
Å kappe av beina diktet kviler på,
staute metaforar,
mogna gjennnom hundreår,
årringar av fantasi
Å kneble diktet
med grått papir
piske det
med
stramme stavingar
onsdag 16. oktober 2013
Tidsnok
Dei bykste over gjerda
dei storma langs hjulspor
dei sprang av seg støvlane,
dei sprengte låsane
dei braut opp dørene;
-tikkande daude fluger
Vegguret låg
med føtene i veret
torsdag 3. oktober 2013
Abonner på:
Innlegg (Atom)